စိတ်ချမ်းသာဖို့ ဘာအကြောင်းပြချက်မှ မလိုဘူး
စိတ်ချမ်းသာဖို့ ဘာအကြောင်းပြချက်မှ မလိုဘူး
စိတ်ချမ်းသာမှုဟာ အကျိုးတရားလား၊ အကြောင်းတရားလားလို့ မေးရင်
လူများစုက အကျိုးတရားလို့ ပြောကြလိမ့်မယ်။
လိုချင်တာ ရလို့ စိတ်ချမ်းသာတယ်။
စိတ်ချမ်းသာတာဟာ အကျိုးတရား။
သူက ကိုယ့်ကိုချစ်လို့ စိတ်ချမ်းသာတယ်။
စိတ်ချမ်းသာတာဟာ အကျိုးတရား။
ချီးမွမ်းတာ ခံရလို့ စိတ်ချမ်းသာတယ်။
စိတ်ချမ်းသာတာဟာ အကျိုးတရား။
+++++++++++++++++++++++++++
ဒါပေမယ့် တကယ် စိတ်ချမ်းသာချင်ရင် စိတ်ချမ်းသာမှုကို
အကြောင်းတရားဖြစ်အောင် လုပ်ရမယ်။
စိတ်ချမ်းသာမှုဟာ အကျိုးတရားဖြစ်နေရင် စိတ်ချမ်းသာစရာ တွေ
ဘယ်လောက်များများ စိတ်ချမ်းသာစရာလေးတစ်ခု ရှိနေရင်
စိတ်ချမ်းသာနိုင်တော့ဘူး။
+++++++++++++++++++++++++++
လူများစု စိတ်မချမ်းသာတာဟာ စိတ်ချမ်းသာစရာအကြောင်းကို ရှာနေကြလို့ပါ။
အကြောင်းမရှိပဲ စိတ်ချမ်းသာနိုင်မှ တကယ့်စိတ်ချမ်းသာမှု။
အကြောင်းရှိလို့ စိတ်ချမ်းသာတာဟာ ဘယ်သူမဆို ရနိုင်တယ်။
အကြောင်းမရှိပဲ စိတ်ချမ်းသာတာဟာ စိတ်အကြောင်းကို ကောင်းကောင်းသိတဲ့သူမှ ရတယ်။
+++++++++++++++++++++++++++
“ငါ စိတ်ချမ်းသာဖို့ ဘာအကြောင်းပြချက်မှ မလိုဘူး” ဆိုရင် အာဂလူလို့ဆိုရမယ်။
ဒီနေ့ကစပြီးတော့ ဘာအကြောင်းပြချက်မှ မရှိပဲ စိတ်ချမ်းသာအောင် နေမယ်လို့
ဆုံးဖြတ်နိုင်ရင် စိတ်ဓာတ်အင်အား တကယ်ကြီးတဲ့သူ ဖြစ်ပြီး။
+++++++++++++++++++++++++++
ကိုယ့်ကို ဘယ်သူမှ စိတ်ဆင်းရဲအောင်လုပ်လို့ မရတော့ဘူးဆိုရင်
က်ိုယ့်ကို ဘယ်သူမှ manipulate လုပ်လို့ မရတော့ဘူး။
တစ်ယောက်ယောက်က ကိုယ့်ကို စိတ်ချမ်းသာအောင် လုပ်ပေးမလားလို့
မျှော်လင့်နေရတာ မလွတ်လပ်ဘူး။
+++++++++++++++++++++++++++
တစ်ယောက်ယောက်က တစ်ခုခုပြောလိုက်ရင် ကိုယ့်စိတ်ချမ်းသာမှု
ချက်ချင်း ပျောက်သွားမယ်။ ဘာဖြစ်လို့လဲ။
ကိုယ့်စိတ်ချမ်းသာမှုဟာ သူများလက်ထဲမှာ ရှိနေလို့ပဲ။
ကိုယ့်စိတ်ချမ်းသာမှုဟာ သူများလက်ထဲမှာ ရှိနေရင်
ကိုယ့်ဘဝဟာ သူများလက်ထဲမှာ ရောက်နေလို့ပေါ့။
အဲဒါကောင်းသလား။
တကယ်ဥာဏ်ရှိတဲ့သူဟာ အဲဒါကို လက်မခံပါဘူး။
ကိုယ့်စိတ်ချမ်းသာမှုကို ဘယ်သူမှ မဖျက်ဆီးနိုင်မှ စိတ်ချမ်းသာမှု အစစ်လို့
ပြောလို့ရမယ်။
အဲဒါမှ ကိုယ့်စိတ်ချမ်းသာမှုလို့ ပြောလို့ရမယ်။
+++++++++++++++++++++++++++
No one can change your attitude without your permission.
ကိုယ်က ခွင့်မပြုပဲ ကိုယ့်သဘောထားကို ဘယ်သူကမှ ပြောင်းလို့ မရဘူး။
+++++++++++++++++++++++++++
Sometimes things go your way and sometimes they don’t.
တစ်ခါတစ်လေ ကိုယ်ဖြစ်ချင်တာ ဖြစ်လာတယ်။ တစ်ခါတစ်လေ မဖြစ်ဘူး။
+++++++++++++++++++++++++++
You may not always get to choose what happens.
You always get to decide how you feel about what happens.
ကိုယ်ဖြစ်ချင်သလို အမြဲမဖြစ်ဘူး။
ဒါပေမယ့် ဖြစ်လာတဲ့ကိစ္စနဲ့ပတ်သက်ပြီး ကိုယ့်စိတ်ထားကိုတော့ ကိုယ်ထားတတ်ရင် ရပါတယ်။
+++++++++++++++++++++++++++
ဒီနေ့ ဘာတွေ တွေ့ကြုံရမယ်ဆိုတာ ကိုယ့်စိတ်ကြိုက်ရွေးလို့ မရပါဘူး။
ဒါပေမယ့် အဲဒီအတွေ့အကြုံတွေကို ဘယ်လို သဘောထားမယ်ဆိုတာကတော့
ကိုယ့်အပေါ်မှ မူတည်ပါတယ်။
အခြေအနေတွေက လုပ်သမျှ ခံရတဲ့သူ ဖြစ်မလား။
အခြေအနေကို ကိုယ်က နိုင်နင်းတဲ့သူ ဖြစ်မလား။
+++++++++++++++++++++++++++
You have a right to be unhappy. I cannot talk you out of it.
စိတ်ဆင်းရဲချင်တယ် ဆိုရင် အဲဒါ ကိုယ့်အခွင့်အရေးပါပဲ။
+++++++++++++++++++++++++++
Most people have allowed unhappiness to be their strategy to living their life.
လူတော်တော်များများဟာ စိတ်ဆင်းရဲနေတဲ့နည်းနဲ့ ဘဝကို နေကြတယ်။
စိတ်ဆင်းရဲနေတာဟာ သူတို့အတွက် လုပ်နည်းလုပ်ဟန် တစ်မျိုးဖြစ်နေတယ်။
အဲဒီလို နေရတာ တွက်ချေကိုက်ရဲ့လား။
သဘောထားကို ပြောင်းပါလို့တော့ မပြောလိုပါဘူး။
ဒါပေမယ့် စိတ်ချမ်းသာတာဟာ တွက်ချေကိုက်တယ်လို့တော့ ပြောချင်တယ်။
+++++++++++++++++++++++++++
စိတ်ဆင်းရဲနေတဲ့အချိန်မှာ ကိုယ့်စိတ်ကို ကိုယ် သေသေချာချာ ကြည့်ပါ။
အဲဒီလို ခံစားနေရတာကို ကြိုက်သလား။
ဘာအကျိုးရှိသလဲ။
စိတ်ဆင်းရဲနေရုံနဲ့ ကိုယ်ဖြစ်ချင်တာ ဖြစ်လာမှာလား။
+++++++++++++++++++++++++++
စိတ်ချမ်းသာတဲ့သူမှာ အခက်အခဲတွေ၊ ပြဿနာတွေ မရှိတာ မဟုတ်ပါဘူး။
သူတို့ဟာ အခက်အခဲတွေကို၊ ပြဿနာတွေကို စိတ်ဆင်းရဲနေတဲ့နည်းနဲ့
မဖြေရှင်းကြဘူး။
+++++++++++++++++++++++++++
ရီတာဟာ အကောင်းဆုံးဆေးလို့ ဆိုကြတယ်။
ဆေးဆိုတာ မကျန်းမာတဲ့ ခန္ဓာကိုယ်ကို ကျန်းမာအောင် လုပ်ပေးတယ်။
အားရှိအောင် လုပ်ပေးတယ်။
ဒါကြောင့် အဆင်မပြေတာ တစ်ခုခုရှိနေတဲ့အခါမှာ ရီနိုင်ဖို့ လိုတယ်။
အဆင်မပြေတာတစ်ခုခု ရှိနေတဲ့အခါမှာ ရီနိုင်တာဟာ စိတ်ဓာတ်အင်အားကြီးတဲ့
လက္ခဏာဖြစ်ပါတယ်။
စိတ်ဓာတ် အားနည်းတဲ့သူဟာ နည်းနည်းလေး အဆင်မပြေတာ တစ်ခုခု ရှိနေရင်
မရီနိုင် မပြုံးနိုင်တော့ဘူး။
+++++++++++++++++++++++++++
စိတ်ချမ်းသာအောင်နေတတ်တဲ့သူဟာ ပိုပြီး အောင်မြင်တယ်။
လိုချင်တာရဖို့ အလားအလာ ပိုများတယ်။
သံလိုက်ဟာ သံကို ဆွဲငင်နိုင်သလို စိတ်ချမ်းသာမှုဟာ အောင်မြင်မှုကို ဆွဲငင်နိုင်တယ်။
+++++++++++++++++++++++++++
စိတ်ချမ်းသာမှုဟာ ကိုယ့်အင်အား ကိုယ့်စွမ်းအား ။
စိတ်ချမ်းသာနေမှ အင်အားကြီးတဲ့သူ။
စိတ်ချမ်းသာနေတဲ့အချိန်မှာ စိတ်ဓာတ်အင်အား အကြီးဆုံးပဲ။
စိတ်ချမ်းသာနေတဲ့အချိန်မှာ ဥာဏ်ပညာ ထက်မြက်တယ်။
+++++++++++++++++++++++++++
စိတ်ချမ်းသာမှုဟာ စိတ်အတွင်းအခြေအနေ ဖြစ်တယ်။
စိတ်ချမ်းသာနေတာဟာ အကောင်းဆုံး စိတ်အခြေအနေဖြစ်တယ်။
အဲဒီစိတ်အခြေအနေမှာ ဥာဏ်အကောင်းဆုံး။
အဲဒီအခြေအနေမှာ အကောင်းဆုံးစိတ်ကူးတွေ ထွက်တယ်။
စိတ်ချမ်းသာနေတဲ့အချိန်မှာ သတိကောင်းတယ်။ စိတ်ဟာ ပစ္စုပ္ပန်မှာ ရှိတယ်။
စိတ်ချမ်းသာနေတဲ့အချိန်မှာ ကျန်းမာရေးကောင်းတယ်။
စိတ်ချမ်းသာနေတာဟာ ကျန်းမာရေးကို ပိုကောင်းစေတယ်။
စိတ်ချမ်းသာအချိန်မှာ ဘာဘဲလုပ်လုပ် ပိုပြီး အဆင်ပြေတယ်။
စိတ်ချမ်းသာနေတဲ့အချိန်မှာ စိတ်ကောင်းရှိတယ်။
+++++++++++++++++++++++++++
စိတ်ချမ်းသာနေတာဟာ ကိုယ့်ရဲ့ပင်ကိုယ်စိတ်အခြေအနေ။
မနက် နိုးလာတာနဲ့ ဘာအကြောင်းပြစရာမှ မလိုပဲ စိတ်ချမ်းသာနေတဲ့သူ ဖြစ်ရမယ်။
အဲဒီစိတ်ချမ်းသာမှုကိုလည်း ဘယ်လို အကြောင်းကိစ္စကမှ မဖျက်ဆီးနိုင်ရဘူး။
+++++++++++++++++++++++++++
စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။
+++++++++++++++++++++++++++
To place to be happy is here. The time to be happy is now.
စိတ်ချမ်းသာအောင် နေရမယ့် နေရာဟာ ဒီနေရာပဲ။
စိတ်ချမ်းသာအောင် နေရမယ့်အချိန်ဟာ ဒီအချိန်ပဲ။
ကိုယ့်အတွက် တကယ်အကျိုးရှိတာကို ဒီနေ့လုပ်လိုက်ပါ။
ကိုယ့်အတွက် တကယ်အကျိုးရှိတာက ဘာလဲ။
စိတ်ချမ်းသာအောင် နေတာပါပဲ။
ကိုယ့်စိတ်ကြိုက်လုပ်လို့ရတာကို ဒီနေ့လုပ်လိုက်ပါ။
ဘာလုပ်ရမလဲ။
စိတ်ချမ်းသာအောင်နေတာဟာ ကိုယ့်စိတ်ကြိုက်လုပ်လို့ရတာပဲ။
ဘယ့်သူ့ခွင့်ပြုချက်မှ တောင်းဖို့မလိုဘူး။
+++++++++++++++++++++++++++
ကိုယ့်ကိုယ်ကိုကိုယ် အကောင်းဆုံးလက်ဆောင် ပေးလိုက်ပါ။
အကောင်းဆုံးလက်ဆောင်ဟာ ဘာလဲ။
စိတ်ချမ်းသာမှုပါပဲ။
ကိုယ့်စိတ်ကို အင်အားကြီးအောင် လုပ်ပါ။
ဘယ်လိုလုပ်မလဲ။
စိတ်ချမ်းသာအောင် နေတာဟာ စိတ်အင်အားကြီးအောင် လုပ်တာပဲ။
+++++++++++++++++++++++++++
ကျန်းမာရေး ပိုကောင်းအောင်၊ အား ပိုရှိအောင် လုပ်ပါ။
ဘာလုပ်ရမလဲ။
စိတ်ချမ်းသာ နေပါ။
သဘောထားမှန်အောင် ထားပါ။ ဘယ်လိုထားမလဲ။
စိတ်ချမ်းသာမှုဟာ အရေးအကြီးဆုံးလို့ သဘောထားပါ။
စိတ်ချမ်းသာနေတဲ့သူဟာ ကောင်းတာကို လုပ်တယ်။
ဒါကြောင့် စိတ်ချမ်းသာနေရင် သဘောထားမှန်နေတယ်။
+++++++++++++++++++++++++++
စိတ်ချမ်းသာအောင် နေဖို့ ခက်သလား။
မခက်ပါဘူး။
တခြားဘယ်ကိစ္စမှ စိတ်ချမ်းသာမှုလောက် အရေးမကြီးဘူးလို့ လက်ခံနိုင်ရင် ရပါတယ်။
တခြားကိစ္စတွေကို ပိုအရေးကြီးတယ်လို့ ထင်နေရင်တော့ စိတ်ချမ်းသာဖို့ သိပ်ခက်ပါတယ်။
+++++++++++++++++++++++++++
အလုပ်မှာဖြစ်စေ၊ အိမ်မှာဖြစ်စေ၊ အခက်အခဲတွေနဲ့ တွေ့ကြုံရတဲ့အခါ
စိတ်ကို တည်ငြိမ်အောင် သတိနဲ့ကပ်ထားပါ။
စိတ်တည်ငြိမ်နေရင် အကောင်းဆုံးကို လုပ်နိုင်မယ်။
+++++++++++++++++++++++++++
စိတ်ချမ်းသာမှုနဲ့ ကိုယ်ကျင့်တရားဟာ ဆက်စပ်မှု ရှိတယ်။
စိတ်အချမ်းသာဆုံးလူဟာ ကိုယ်ကျင့်တရားလည်း အကောင်းဆုံးလူ ဖြစ်တယ်။
ကိုယ်ကျင့်တရား အကောင်းဆုံးလူဟာ စိတ်အချမ်းသာဆုံး ဖြစ်တယ်လို့လည်း ပြောလို့ရတယ်။
+++++++++++++++++++++++++++
တစ်နေ့မှာ အနည်းဆုံးလူတစ်ယောက်ကို အားပေးစကားပြောလိုက်ပါ။
အဆိုးဘက်က တွေးနေတာကို အကောင်းဘက်က တွေးပြလိုက်ပါ။
+++++++++++++++++++++++++++
ကိုယ်ဖြစ်ချင်တာကို မမေ့ပါနဲ့။
ဖြစ်ချင်တာကို တွေးပါ။
လုပ်နိုင်သလောက် လုပ်နေပါ။
+++++++++++++++++++++++++++
မိတ်ဆွေတစ်ယောက်ဆီကို စာရေးပါ။
ဖုန်းဆက်ပါ။
စိတ်ချမ်းသာစရာတစ်ခုခု ပြောပါ။
စိတ်ချမ်းသာစရာတွေကို ပေးနေရင် စိတ်ချမ်းသာမှု တိုးနေမယ်။
+++++++++++++++++++++++++++
အမြဲတန်း စိတ်ချမ်းသာနေတယ်ဆိုတာ ဖြစ်နိုင်သလား။
အမြဲတန်း စိတ်ချမ်းသာနေတာ ဘယ်လိုဖြစ်နိုင်မလဲ။
အဆိုးတွေက ဖြစ်နေမှာပဲ။
ဒါပေမယ့် ကိုယ်က အဲဒီအဆိုးတွေကို ကိုင်တွယ်ဖြေရှင်းနိုင်တယ်။ ဖြစ်လာတဲ့ကိစ္စက ကိုယ့်စိတ်ကို မလွှမ်းမိုးနိုင်ဘူး။ စိတ်ဓာတ်မကျဘူးဆိုရင် စိတ်မဆင်းရဲပါဘူး။
တကယ်ဥာဏ်ရှိတယ်ဆိုရင် စိတ်ချမ်းချမ်းသာသာ နေလိုက်ပါ။
ဒါမှ ဥာဏ်ရှိတဲ့လူလို့ ဆိုနိုင်မယ်။
+++++++++++++++++++++++++++
စိတ်နေသဘောထား မြင့်တဲ့သူတွေဟာ စိတ် ပိုချမ်းသာတာ တွေ့ရတယ်။
ကိုယ့်စိတ်ထားကို ဘယ်လို မြှင့်မလဲ။
အဲဒါကို အမြဲ လေ့လာ လေ့ကျင့်နေပါ။
စိတ်ထားမြင့်လေ စိတ်ချမ်းသာလေ ဖြစ်မယ်။
Living Standard မြင့်ရုံနဲ့ စိတ်မချမ်းသာသေးဘူး။
Level of Being မြင့်မှ စိတ်ချမ်းသာမယ်။
အချိန်ရတိုင်း ခဏ တရားထိုင်ပါ။
ငါးမိနစ်ရရ တရားထိုင်ပါ။
စိတ်ထားကောင်းတဲ့သူ အသိအမြင်မှန်တဲ့သူနဲ့ စကားပြောပါ။ ဆွေးနွေးပါ။
စိတ်ချမ်းသာနေတဲ့သူတွေနဲ့ ပေါင်းပါ။
+++++++++++++++++++++++++++
လုပ်သင့်တာကို လုပ်ချင်အောင် ကိုယ့်စိတ်ကို ကိုယ် လေ့ကျင့်ပါ။
လုပ်သင့်တာကို မလုပ်ချင်ရင် စိတ်ဆင်းရဲမယ်။
မလုပ်ချင်ပဲနဲ့ လုပ်ရင်လည်း စိတ်ဆင်းရဲမယ်။
လုပ်သင့်တာ မလုပ်ပဲနေရင် အဆင်မပြေမှုတွေ များလာမယ်။
အဆင်မပြေမှုတွေများလာရင် စိတ်ဆင်းရဲမယ်။
လူ့ဘဝဆိုတာ လုပ်ချင်တာပဲ လုပ်လို့မရဘူး။
လုပ်သင့်တာလည်း လုပ်ရတယ်။
လုပ်ချင်တာနဲ့ လုပ်သင့်တာ အတူတူ ဖြစ်သွားရင် စိတ်ချမ်းသာတယ်။
+++++++++++++++++++++++++++
စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။
++++++++++++++++++++++++++
? စိတ်ချမ်းသာအောင် ဘာလုပ်ရမလဲ။
ပထမအချက်က စိတ်ချမ်းသာအောင်နေမယ်။ စိတ်ချမ်းသာအောင် တွေးမယ်လို့
ပိုင်ပိုင်နိုင်နိုင် ဆုံးဖြတ်ထားရမယ်။
ပြီးရင် လုပ်သင့်တာကို လုပ်ရမယ်။
အတတ်နိုင်ဆုံး သတိနဲ့နေရမယ်။
အတိတ်၊ အနာဂတ်ကို တွေးတာ များလွန်းရင် ပစ္စုပ္ပန်မှာ စိတ်ချမ်းသာအောင်နေဖို့
မလွယ်ဘူး။ ပစ္စုပ္ပန်မှာ ဖြစ်နေတာတွေကို စွဲလန်းရင်လည်း စိတ်မချမ်းသာနိုင်ဘူး။
မစွဲလန်းရင် စိတ်ချမ်းသာမယ်။
အဲဒါအခက်ဆုံးပဲ။
+++++++++++++++++++++++++++
? စိတ်ချမ်းသာမှုဟာ ဘာဖြစ်လို့ အရေးကြီးသလဲ။
စိတ်ချမ်းသာမှုဟာ အရေးကြီးတယ်။ ဘာဖြစ်လို့လဲဆိုတော့ စိတ်မချမ်းသာရင် စိတ်ဓာတ်အင်အား
ဆုတ်ယုတ်တယ်။ စွမ်းရည်သတ္တိ ကျဆင်းတယ်။
တစ်ယောက်ယောက်က ကိုယ့်ကို စိတ်ဆင်းရဲအောင် လုပ်တယ်ဆိုရင် သူက ကိုယ့်ကို စိတ်ဆင်းရဲသွားအောင်
လုပ်ခွင့် ရနေပြီ။ ဘာကြောင့်ရတာလဲ။
ကိုယ်က သူ့ကိုပေးလို့ သူရတာ။
ကိုယ့်ကို စိတ်ဆင်းရဲအောင်လုပ်နိုင်တဲ့ပါဝါ (Power) ကို သူ ဘယ်ကရသလဲ။
ကိုယ်က စိတ်ဆင်းရဲလိုက်လို့ သူရတာ။
ကိုယ်က စိတ်မဆင်းရဲပဲ နေနိုင်ရင် သူက ကိုယ့်ကို စိတ်ဆင်းရဲအောင်လုပ်လို့ မရဘူး။
ကိုယ်က စိတ်ဆင်းရဲရင် သူအောင်မြင်တယ်။
ကိုယ်က စိတ်မဆင်းရဲရင် သူမအောင်မြင်ဘူး။
ဒါကြောင့် ကိုယ်က စိတ်မဆင်းရဲအောင် နေလိုက်ရင် သူ့မှာ ပါဝါ(Power) မရှိဘူး။
ကိုယ်က မပေးပဲ သူ ပါဝါ (Power) မရနိုင်ဘူး။
+++++++++++++++++++++++++++
? အဆိုးတစ်ခုခု ဖြစ်လာရင် ဘယ်လို လုပ်မလဲ။
အဲဒီအချိန်မှာ ကိုယ်က စိတ်မဆင်းရဲအောင် နေနိုင်ဖို့ အရေးအကြီးဆုံးအချိန်ပဲ။
စိတ်ဆင်းရဲနေတဲ့အချိ်န်မှာ အကောင်းဆုံးအဖြေကို မရနိုင်ဘူး။
ဒါကြောင့် အဆင်မပြေတာ တစ်ခုခု ဖြစ်လာတဲ့အခါမှာ သတိရှိဖို့လိုတယ်။
အဲဒီအချိန်မှာ စိတ်တည်ငြိမ်မှု ရှိဖို့လိုတယ်။အဲဒီအချိန်မှာ ကိုယ့်ဥာဏ်ပညာကို
အကောင်းဆုံးဖြစ်အောင် ခေါင်းအေးအေးနဲ့စဉ်းစားရမယ်။
အဲဒီအချိန်မှာ ကိုယ့်ရဲ့ခံနိုင်ရည်ဟာ အမြင့်ဆုံးဖြစ်ရမယ်။
--------------------------------------
စိတ်တည်ငြိမ်နေရင် အသိဥာဏ်ဟာ အကောင်းဆုံး အခြေအနေမှာ ရှိတယ်။
စိတ်ဆင်းရဲနေရင် စဉ်းစားပုံမှားမယ်။ ဆုံးဖြတ်တာ ပြောတာ မှားမယ်။
ဒါကြောင့် အခက်အခဲရှိတဲ့အခါ စိတ်တည်ငြိမ်အောင် နေနိုင်ဖို့လိုတယ်။
ဘဝမှာ တွေ့ရတဲ့ အခက်အခဲတွေကို အကောင်းဆုံး ရင်ဆိုင်နည်းဟာ
စိတ်တည်တည်ငြိမ်ငြိမ်နဲ့ ရင်ဆိုင်တာပဲ။
စိတ်တည်ငြိမ်နေရင် စိတ်မဆင်းရဲဘူး။
ဒါကြောင့် စိတ်မဆင်းရဲအောင်နေနိုင်တာဟာ အားလုံးအတွက် အဆင်ပြေဆုံးပဲ။
စိတ်ချမ်းသာအောင် နေနိုင်တာဟာ အခက်အခဲကို အကောင်းဆုံး ရင်ဆိုင်နည်းပဲ။
--------------------------------------
စိတ်ဆင်းရဲနေတာနဲ့ ချက်ချင်း ကိုယ့်ကိုယ်ကိုယ် သတိပေးပါ။
စိတ်ဆင်းရဲနေရင် အကောင်းဆုံးကို လုပ်နိုင်မှာ မဟုတ်ဘူး။
စိတ်ဆင်းရဲနေတာဟာ တွက်ခြေမကိုက်ဆုံးပဲ။
စိတ်ဆင်းရဲနေတာဟာ လုပ်နည်းလုပ်ဟန် မှားနေတာ။
အဲဒီလို သတိဝင်လာရင်စိတ်ဆင်းရဲစရာကို တွေးမနေပဲ ဘာလုပ်ရင် အကောင်းဆုံးဖြစ်မလဲဆိုတာကို
တွေးပါ။ စိတ်ဆင်းရဲနေရင်တောင် အဲဒါကို တစ်ဖက်လူ မသိအောင် ထားပါ။
စိတ်ဆင်းရဲနေတယ်ဆိုတာကို တစ်ဖက်လူ သိသွားရင် ကိုယ့်အားနည်းချက်ကို သူသိသွားပြီ။
--------------------------------------
စိတ်ချမ်းသာအောင် တွေးပြီး တော့ အဖြေရှာရင် အကောင်းဆုံးအဖြေကို ရမယ်။
ဒါကြောင့် စိတ်ချမ်းသာအောင် နေနိုင်တာဟာ ကိုယ့်အတွက် အဆင်ပြေဆုံးပဲ။
+++++++++++++++++++++++++++
? တကယ်လို့ ကိုယ့်အခြေအနေက ဘယ်လိုမှ အဖြေရှာလို့မရရင် ဘယ်လို လုပ်မလဲ။
အဖြေရှာလို့မရရင် အဖြေရှာနေဖို့ မလိုတော့ဘူး။
တွေးနေဖို့ မလိုတော့ဘူး။
ကိုယ်က အခြေအနေကို ပြောင်းလဲအောင် ဘယ်လိုမှ လုပ်လို့ မရတော့ဘူး
ဆိုရင် ဆက်တွေးနေတာကပဲ ပြဿနာဖြစ်လာတယ်။
ဒါကြောင့် ဆက်မတွေးဖို့ပဲ လိုတယ်။
ဘယ်လိုမှ မတတ်နိုင်တော့တဲ့ကိစ္စကို မကျေမနပ် ဖြစ်နေရင် စိတ်ဆင်းရဲနေရုံပဲ။
ဘာမှ အကျိုးမရှိဘူး။
ကိုယ့်သဘောထားကို ပြောင်းလိုက်ပါ။
+++++++++++++++++++++++++++
? ကိုယ်သဘောမကျတာ၊ မနှစ်သက်တာကို လက်ခံထားရမလား။
ပြောင်းနိုင်ရင် ပြောင်းပါ။
မပြောင်းနိုင်ရင် လက်ခံပါ။
လက်မခံနိုင်ရင် စိတ်ဆင်းရဲမှာပဲ။
ကိုယ် ဘာမှမတတ်နိုင်တဲ့ကိစ္စနဲ့ပတ်သက်ပြီး ကိုယ့်သဘောထားကို ပြောင်းလိုက်ရင်
ပြဿနာရဲ့သဘာဝလည်း ပြောင်းသွားပါတယ်။
+++++++++++++++++++++++++++
? စိတ်ချမ်းသာအောင် လုပ်ရင် ဘယ်လောက်ကြာ မလဲ။
အခု လုပ်ရင် အခုရတယ်။
+++++++++++++++++++++++++++
အမြဲတမ်းစိတ်ချမ်းသာချင်ရင် အခုစိတ်ချမ်းသာအောင် နေပါ။
အခုဆိုတဲ့အချိန်ဟာ ဘယ်တော့မှ ပျောက်မသွားဘူး။
သူ့နေရာမှာ သူအမြဲရှိနေတယ်။
ဒါကြောင့် အခု စိတ်ချမ်းသာအောင် နေနိုင်မှ အမြဲ စိတ်ချမ်းသာမယ်။
+++++++++++++++++++++++++++
? ဘယ်အချိန်မှာ စိတ်ချမ်းသာတာ ကောင်းသလဲ။
ဘယ်အချိန်မှာ အိပ်တာကောင်းသလဲလို့ မေးရင်
တကယ် အိပ်ချင်တဲ့အချိန်မှာ အိပ်တာ ကောင်းတယ်လို့ ဖြေရမယ်။
ဘယ်အချိန်မှာ စားတာကောင်းသလဲလို့ မေးရင်
တကယ် ဆာနေတဲ့အချိန်မှာ စားတာ၊ ကောင်းတယ်လို့ ဖြေရမယ်။
ဘယ်အချိန်မှာ စိတ်ချမ်းသာတာ ကောင်းသလဲလို့ မေးရင်
အခု စိတ်ချမ်းသာတာ ကောင်းတယ်လို့ ဖြေရမယ်။
+++++++++++++++++++++++++++
စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ ကောက်နှုတ်ဖော်ပြပါတယ်။
+++++++++++++++++++++++++++
ရှေးရှေးတုန်းက ပညာရှိတစ်ယောက်ရှိတယ်။
တစ်နေ့တော့ အဲဒီပညာရှိဆရာကြီး မီးတိုင်အောက်မှာ တစ်ခုခုကို လိုက်ရှာနေတယ်။
ခေါက်တုန့်ခေါက်ပြန် ရှာတယ်။
တပည့်တွေက “ဒို့ဆရာကြီး ဘာပျောက်လို့ ရှာနေတာလဲမသိဘူး။ ဝိုင်းရှာပေးမယ်” ဆိုပြီး
ဆရာကြီးကို မေးတယ်။
“ဆရာကြီး ဘာရှာနေတာလဲ”
“သော့ပျောက်လို့ ရှာနေတာ” တဲ့။
အဲဒါနဲ့တပည့်တွေကလည်း မီးတိုင်အောက်မှာ သော့ကို ရှာကြတယ်။
တော်တော် နှံ့နှံ့စပ်စပ် ရှာပေမယ့် မတွေ့ဘူး။
ဒါနဲ့ တပည့်တွေက “ဒီနေရာမှာ ကျပျောက်တာ ဆိုရင်တော့ တွေ့လောက်ပါတယ်။
ဒါလောက် ဝိုင်းရှာတာတောင် မတွေ့တော့ ဒီနေရာမှာ ကျပျောက်တာမှ ဟုတ်ရဲ့လား” လို့
တွေးမိပြီးတော့ “ဆရာကြီး သော့က ဘယ်နေရာမှာ ကျပျောက်တာလဲ” လို့ မေးကြတယ်။
ဆရာကြီးက “အိမ်ခန်းထဲမှာ ကျပျောက်တာ” လို့ဖြေတယ်။
ဒီတော့ “ဟာ ဆရာကြီးကလည်း အိမ်ခန်းထဲမှာ ကျပျောက်တဲ့သော့ကို ဒီမီးတိုင်အောက်မှာ
ရှာလို့ ဘယ်တွေ့နိုင်မှာလဲ” လို့ပြန်ပြောလိုက်တယ်။
ဒီတော့ ဆရာကြီးက “မင်းတို့လည်း စိတ်ချမ်းသာမှုကို မတွေ့နိုင်တဲ့နေရာမှာ ရှာနေကြတယ်။
လူတွေ မြင်ရတဲ့နေရာမှာ ရှာနေကြတယ်။
စိတ်ချမ်းသာမှုဆိုတာ စိတ်ထဲမှာပဲ ရှိတယ်။
ရှာတဲ့နေရာမှားနေလို့ မင်းတို့ ခုထိ မတွေ့တာပေါ့” တဲ့။
++++++++++++++++++++++++++++++++++++
တစ်ခုခုကို တွေ့ချင်လို့ ရှာတယ်ဆိုရင် ရှာတဲ့နေရာ မှန်ဖို့လိုပါတယ်။
စိတ်ချမ်းသာမှုကို ဘယ်နေရာမှာ ရှာမလဲ။
နေရာမှားနေရင် တွေ့မှာ မဟုတ်ဘူး။
နေရာမှန်က ဘယ်မှာလဲ။
စိတ်ထဲမှာ။
အဲဒီနေရာမှာမှ မတွေ့ရင် တခြားနေရာမှာ မတွေ့နိုင်ဘူး။
++++++++++++++++++++++++++++++++++++
စိတ်ချမ်းသာမှုဟာ စိတ်ထဲမှာပဲ ရှိတယ်လို့ ဥာဏ်ရှိသူတွေက အထပ်ထပ်အခါခါ ပြောခဲ့ပါတယ်။
ဒါပေမယ့် ဥာဏ်မရှိသူတွေ ပြောတာကို ပို ပြီး ယုံလွယ်ကြတယ်။
စိတ်ချမ်းသာမှုဟာ ပစ္စည်းထဲမှာ ရှိတယ်လို့ ဥာဏ်မရှိသူတွေက ပြောကြတယ်။
အာဏာထဲမှာ ရှိတယ်လို့ ပြောကြတယ်။
အဲဒါကို ဥာဏ်မရှိသူတွေ ယုံကြတယ်။
ကျော်ကြားမှုထဲမှာ ရှိတယ်လို့ပြောကြတယ်။
အဲဒါကိုလည်း ယုံကြတာပဲ။
ပစ္စည်းရတယ်။ အာဏာရတယ်။ ကျော်ကြားမှုရတယ်။ စိတ်ချမ်းသာမှုကိုတော့ မရဘူး။
နေရာလွဲနေလို့ တစ်သက်လုံးရှာပေမယ့် မတွေ့ကြဘူး။
++++++++++++++++++++++++++++++++++++
စိတ်ချမ်းသာမှုဟာ ဒီအချိန် ဒီနေရာမှာပဲ ရနိုင်တယ်။
ဒီနေရာမှာ စိတ်ချမ်းသာမှုကို မတွေ့ရင် ဘယ်နေရာမှာတွေ့မယ် ထင်သလဲ။
ဟိုအချိန် ဟိုနေရာမှာ တွေ့မယ်ထင်ပြီး ရှာနေလို့။ စိတ်ချမ်းသာမှုကို
မတွေ့တာပဲ များတယ်။ ရှာတဲ့နေရာ မှားနေလို့။
များသောအားဖြင့် စိတ်ချမ်းသာမှုကို ရှာရင်း စိတ်ဆင်းရဲမှုနဲ့ တွေ့ရတယ်။
++++++++++++++++++++++++++++++++++++
သူက ငါ့ကို စိတ်ချမ်းသာအောင် လုပ်ပေးလိမ့်မယ်လို့ မျှော်လင့်နေရင်
ကိုယ်မျှော်လင့်သလို ဖြစ်တဲ့အခါ ခဏ စိတ်ချမ်းသာမယ်။
အဲဒီလို စိတ်ချမ်းသာနေတဲ့အချိန်မှာတောင် နောင်လည်း ဒီလိုလုပ်ပေးအောင်
ဘာလုပ်ရမလဲဆိုတဲ့စိတ်မအေးရတဲ့ အတွေးရှိနေတယ်။
မကြာမကြာ ကိုယ်မျှော်လင့်သလို မဖြစ်ဘူး။
ဒါကြောင့် မကြာမကြာ စိတ်ဆင်းရဲရပြန်တယ်။
++++++++++++++++++++++++++++++++++++
အခြေအနေတွေ အားလုံး အဆင်ပြေရင် စိတ်ချမ်းသာမယ်လို့ မျှော်လင့်တယ်။
အဲဒီလိုနဲ့ပဲ နှစ်တွေကြာလာပြီ။
အဆင်ပြေတာက နည်းတယ်။
အဆင်မပြေတာက များတယ်။ ဒါကြောင့် စိတ်ချမ်းသာတာက နည်းတယ်။
စိတ်ဆင်းရဲတာက များတယ်။
တစ်နေ့တော့…ဆိုတဲ့ မျှော်လင့်ချက်နဲ့နေနေရတယ်။
အဲဒီတစ်နေ့ဆိုတာ ရောက်မလာဘူး။
သူ့နေရာမှာပဲ သူနေတယ်။
ဒါကြောင့် စိတ်ချမ်းသာချင်ရင် စိတ်ချမ်းသာအောင် နေလိုက်မယ် လို့ဆုံးဖြတ်ပါ။
စိတ်ချမ်းသာမှုကို အပြင်မှာ မတွေ့နိုင်ဘူး။
++++++++++++++++++++++++++++++++++++
စိတ်ချမ်းသာမှုနဲ့ စိတ်ဆင်းရဲမှုဟာ ကိုယ်က လက်မခံပဲ မဖြစ်နိုင်ဘူး။
စိတ်ချမ်းသာတဲ့သူဟာ အဲဒီလို ယုံကြည်တယ်။
ငါ့ စိတ်ချမ်းသာမှုထက် ဘယ်အရာကမှ အရေးမကြီးဘူး။
စိတ်ချမ်းသာတဲ့သူဟာ အဲဒီလို နားလည်တယ်။
သဘောပေါက်တယ်။
++++++++++++++++++++++++++++++++++++
ငါ လုပ်နိုင်တာကို အကောင်းဆုံးဖြစ်အောင် လုပ်ပြီးရင်
ငါ ဘာကိုမှ ကြောက်စရာ မလိုဘူး။
အားငယ်စရာ ဘာမှ မရှိဘူး။
++++++++++++++++++++++++++++++++++++
စိတ်ချမ်းချမ်းသာသာနဲ့ပဲ အခက်အခဲကို တည့်တည့် ကြည့်မယ်။
ရင်ဆိုင်မယ်။
အဲဒါ ငါ့ရဲ့ အကြီးမားဆုံး စွမ်းအားပဲ။
++++++++++++++++++++++++++++++++++++
အတိတ်ကို လက်လွှတ်လိုက်ပြီး။
အနာဂတ်အတွက် သောကမရှိဘူး။
ပစ္စုပ္ပန်မှာ ပြည့်ပြည့်ဝဝ နေမယ်။
ဒါပေမယ့် ဆုပ်ကိုင်မထားဘူး။
အဲဒါဟာ ငါ နားလည်တဲ့ စိတ်ချမ်းသာအောင် နေနည်းပဲ။
++++++++++++++++++++++++++++++++++++
မသေချာမှုကို မကြောက်ဘူး။
အကောင်းဆုံးဖြစ်အောင် ကြိုးစားမယ်။
ဖြစ်လာတာကို လက်ခံမယ်။
++++++++++++++++++++++++++++++++++++
ငါ လက်ခံသည်ဖြစ်စေ၊ လက်မခံသည်ဖြစ်စေ ဖြစ်ပြီးသားဟာ ဘာမှ မပြောင်းလဲဘူး။
လက်မခံနိုင်ရင် ငါ့အင်အားတွေ ကုန်တာပဲ အဖတ်တင်မယ်။
ဘာဆက်လုပ်ရမလဲ ဆိုတာပဲ အရေးကြီးတယ်။
++++++++++++++++++++++++++++++++++++
ခက်ခဲတဲ့အခြေအနေနဲ့ ကြုံရတဲ့အခါမှာ သတိနဲ့နေပြီး အကောင်းဆုံးအဖြေကို ရှာမယ်။
တည်ငြိမ်တဲ့စိတ်က ငါ့အတွက် အားကိုးစရာ။
ပြဿနာက ငါ့ကို မနိုင်ဘူး။
ငါက ပြဿနာကို နိုင်တယ်။
++++++++++++++++++++++++++++++++++++
သူ့မှာ ဒုက္ခရောက်တုန်း ငါ တည်တည်ငြိမ်ငြိမ် အေးအေးဆေးဆေး နေတာဟာ
သူ့ကို မချစ်တာ မငဲ့တာ မဟုတ်ဘူး။
ငါ တည်ငြိမ်အေးဆေးမှ သူ့ကို အကောင်းဆုံး အကြံဥာဏ်ပေးနိုင်မယ်။
သူ့ကို စိတ်ချမ်းသာစေချင်တယ် ဆိုတာလည်း တကယ်တော့ သူ စိတ်ချမ်းသာရင်
ငါလည်း စိတ်ချမ်းသာလို့ပဲ။
ငါ လိုချင်တဲ့ စိတ်ချမ်းသာမှုကို ရတဲ့အတွက် သူက ငါ့အတွက် ဘာမှ လုပ်ပေးဖို့
မလိုတော့ဘူး။
++++++++++++++++++++++++++++++++++++
စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ
ကောက်နှုတ်ဖော်ပြပါတယ်။
++++++++++++++++++++++++++++++++++++
စိတ်ချမ်သာမှုအကြောင်းကို ပြောတဲ့သူ လေ့လာတဲ့သူတွေ များလာတယ်။
ကောင်းတဲ့လက္ခဏာပဲ။ ရှုထောင့် အမျိုးမျိုးကနေ လေ့လာဖို့၊ဆွေးနွေးဖို့ လိုတယ်။
တစ်ဦးတစ်ယောက်ထဲရဲ့အမြင်ဟာ ပြည့်စုံတဲ့အမြင် မဖြစ်နိုင်ဘူး။
ဘာသာရေးရှုထောင့်၊ စိတ်ပညာရှုထောင့်၊ ကျန်းမာရေးရှုထောင့်၊
နိုင်ငံရေးရှုထောင့်၊ အဲသလို ရှုထောင့်ပေါင်းစုံကနေ စဉ်းစားသင့်တယ်။
+++++++++++++++++++++++++++
ü စိတ်ချမ်းသာတဲ့သူဟာ မကောင်းမှုလုပ်တာ နည်းတယ်။
ဘာသာရေးဘက်ကနေ ကြည့်ရင် စိတ်ချမ်းသာတာဟာ ဘာသာရေးလို့ပြောနိုင်တယ်။
ဘာသာရေးရဲ့ရည်ရွယ်ချက်ဟာ လူတွေ စိတ်ချမ်းသာဖို့ပဲ ဖြစ်တယ်။
စိတ်ဆင်းရဲအောင်လုပ်တဲ့ ဘာသာရေးဟာ မှားနေတဲ့ဘာသာရေး ဖြစ်တယ်။
+++++++++++++++++++++++++++
ü စိတ်ချမ်းသာတဲ့သူဟာ ဆက်ဆံရေး ပိုကောင်းတယ်။
လူမှုရေးဘက်ကနေ ကြည့်ရင် စိတ်ချမ်းသာတာဟာ လူမှုရေးလို့ပြောနိုင်တယ်။
လူတွေ စိတ်ချမ်းသာနေရင် တစ်ဦးနဲ့တစ်ဦး ဆက်ဆံရေး ပိုကောင်းတယ်။
စိတ်ချမ်းသာနေတဲ့သူဟာ အများကို ကူညီချင်စိတ် ပိုရှိတယ်လို့ စိတ်ပညာရှင်များ
သုတေသနလုပ်ပြီး သိရတယ်။
ဒါကြောင့် ကိုယ့်စိတ်ကို ကိုယ်ချမ်းသာအောင် ထားတတ်တဲ့ သူဟာ လူမှုရေှး ပိုပြီး
အကျိုးပြုနိုင်တဲ့သူ ဖြစ်တယ်။ ကိုယ့်အတွက်လည်း ကောင်း အများအတွက်လည်းကောင်း
တယ်။ ဒါကြောင့် စိတ်ချမ်းသာမှုဟာ လူမှုရေးလို့ ဆိုနိုင်တယ်။
+++++++++++++++++++++++++++
ü စိတ်ချမ်းသာတဲ့သူဟာ စီးပွားရေး ပိုကောင်းတယ်။
စီးပွားရေးဘက်ကနေ ကြည့်ရင် စိတ်ချမ်းသာတာဟာ စီးပွားရေးလို့ ပြောနိုင်တယ်။
ပျော်ပျော်ရွှင်ရွှင် ဈေးရောင်းတဲ့သူဆီက ပိုပြီး ဝယ်ကြတာဟာ သဘာဝပါပဲ။
သုတေသနပြုချက်အရလည်း မှန်ကန်တာကိုတွေ့ရတယ်။
ဈေးဝယ်လာတဲ့သူကို စိတ်ချမ်းသာအောင် ပြောနိုင်ရင် ပိုရောင်းရတယ်။
အိမ်ပဲရောင်းရောင်း၊ ကားပဲရောင်းရောင်း၊ ဆန်ပဲရောင်းရောင်း၊
ဘာရောင်းရောင်း ပျော်ပျော်ရွှင်ရွှင်ရောင်းပါ။
ပိုရောင်းရပါလိမ့်မယ်။
+++++++++++++++++++++++++++
ü စိတ်ချမ်းသာတဲ့သူဟာ ကျန်းမာရေး ပိုကောင်းတယ်။
ကျန်းမာရေးဘက်ကနေ ကြည့်ရင် စိတ်ချမ်းသာတာဟာ ကျန်းမာရေးလို့ ပြောနိုင်တယ်။
စိတ်ဆင်းရဲနေတဲ့ ဆရာဝန်ဆီမှာ ဆေးမကုပါနဲ့လို့ ဆေးပညာရှင်များက ပြောတယ်။
ဆရာဝန်က စိတ်ဆင်းရဲနေရင် လူနာကို စိတ်ချမ်းသာအောင် အထောက်အကူ မပေးနိုင်ဘူး။
ဆရာဝန်ကောင်းဆိုတာ လူနာကို စကားပြောရုံနဲ့ ရောဂါတစ်ဝက် သက်သာစေနိုင်ရမယ်။
လူနာရဲ့စိတ်ကို သောက နည်းအောင်၊ အားတက်အောင်၊
စိတ်ချမ်းသာအောင် မပြောတတ်သေးရင်
ဆရာဝန်ကောင်း မဖြစ်သေးဘူး။
လူနာကို စိတ်ဆင်းရဲအောင်ပြောတဲ့ဆရာဝန်ကို တရားစွဲလို့ ရတယ်။
ကိုယ့်စိတ်ကိုမှ ကိုယ် စိတ်ချမ်းသာအောင် မထားတတ်သေးတဲ့ ဆရာဝန်ဟာ
လူနာကို စိတ်ချမ်းသာအောင် ဘယ်လို လုပ်မလဲ။
ဒါကြောင့် ဆရာဝန်တွေဟာ စိတ်တည်ငြိ်မ်အေးချမ်းအောင် လုပ်သင့်တယ်။
ဆရာဝန်တွေဟာ စိတ်ပညာကို လေ့လာသင့်တယ်။
ကျန်းမာရေးမကောင်းတဲ့သူဟာ စိတ်လည်း နည်းနည်း နေမကောင်းဘူး။
စိတ်ကိုပါ တတ်နိုင်သလောက် ချမ်းသာအောင် ပြုပြင်ပေးနိုင်ရင် မြန်မြန်နေကောင်းလာမယ်။
ဒါကြောင့် စိတ်ချမ်းသာမှုဟာ ကျန်းမာရေးလို့ ပြောနိုင်တယ်။
+++++++++++++++++++++++++++
ü စိတ်ချမ်းသာတဲ့သူဟာ ဥာဏ်ပိုကောင်းတယ်။
ပညာရေးဘက်ကနေ ကြည့်ရင် စိတ်ချမ်းသာတာဟာ ပညာရေးလို့ ပြောနိုင်တယ်။
စိတ်ဆင်းရဲနေတဲ့ ဆရာ၊ဆရာမဆီမှာ စာမသင်ပါနဲ့။
တတ်မှာ မဟုတ်ဘူး။
ကျောင်းသူ၊ ကျောင်းသားတွေကို စိတ်ဆင်းရဲအောင်လုပ်တဲ့ ဆရာ၊ ဆရာမတွေဟာ
ဆရာ၊ ဆရာမ မပီသသေးဘူး။
စာသင်ရတာ မပျော်တဲ့ဆရာ၊ဆရာမတွေဟာ ဆရာ၊ဆရာမ မလုပ်သင့်ဘူး။
ဆရာ၊ဆရာမတွေက စာသင်ရတာ မပျော်ရင် ကျောင်းသူ၊ ကျောင်းသားတွေက
ပညာသင်ရတာ ဘယ်မှာပျော်တော့မလဲ။
ဒါကြောင့် ဆရာ၊ဆရာမတွေဟာ စိတ်ချမ်းသာအောင် နေရမယ်။
ဆရာ၊ဆရာမတွေကော ကျောင်းသူ၊ကျောင်းသားတွေပါ ပျော်မှ
ပညာရေး ပိုကောင်းလာမယ်။
သင်ပေးရတဲ့ဘာသာရပ်ကို သင်ပေးတဲ့ဆရာ၊ ဆရာမတွေနဲ့ ကျောင်းသူ၊ ကျောင်းသားတွေပါ
စိတ်ဝင်စားမှ ပျော်စရာကောင်းတယ်။
ဆရာ၊ဆရာမတွေနဲ့ ကျောင်းသူ၊ ကျောင်းသား ဆက်ဆံရေးကောင်းမှ ပျော်စရာကောင်းတယ်။
+++++++++++++++++++++++++++
ü စိတ်ချမ်းသာတာဟာ နိုင်ငံရေးလည်း ဖြစ်တယ်။
အစိုးရဟာ နိုင်ငံသားတွေရဲ့ စိတ်ချမ်းသာမှုကို အလေးထားရမယ်။
စိတ်ချမ်းသာတဲ့သူ များတဲ့နိုင်ငံဟာ ပိုပြီးတိုးတက်တယ်။
နိုင်ငံသူ၊ နိုင်ငံသားတွေ မျှော်လင့်ချက်တွေပြည့်ပြီး စိတ်အား ထက်ထက်သန်သန်နဲ့
လုပ်ကြမှ နိုင်ငံ တိုးတက်မယ်။
မျှော်လင့်ချက်သိပ်မရှိရင် စိတ်အားထက်သန်မှု မရှိဘူး။
မပျော်ဘူး။ မပျော်ရင် အလုပ်တွေကို ပိုကောင်းအောင် မလုပ်နိုင်ဘူး။
ကိုယ့်အကျိုးလည်း ထိထိရောက်ရောက် မလုပ်နိုင်ဘူး။
သူများအကျိုးလည်း ထိထိရောက်ရောက် မလုပ်နိုင်ဘူး။
စိတ်ချမ်းသာနေရင် လုပ်စရာရှိတာကို လိုလိုချင်ချင် လုပ်တယ်။
လိုလိုချင်ချင်လုပ်ရင် ကောင်းကောင်းမွန်မွန် လုပ်ဖြစ်တယ်။
မယုံရရင် စိတ်ဆင်းရဲတယ်။
မမျှတရင် စိတ်ဆင်းရဲတယ်။
ယုံကြည်ရမှ စိတ်ချတယ်။
စိတ်ချလက်ချလုပ်ရမှ အားသွန်ပြီး လုပ်နိုင်တယ်။
ဒါကြောင့် နိုင်ငံသူ၊ နိုင်ငံသားတွေမှာ စိတ်ချလက်ချ ယုံယုံကြည်ကြည် လုပ်နိုင်အောင်
စီစဉ်နိုင်ရင် နိုင်ငံသူ၊ နိုင်ငံသားတွေ စိတ်ချမ်းသာမယ်။
နိုင်ငံလည်း တိုးတက်မယ်။
စိတ်ချမ်းသာတဲ့သူဟာ မလုပ်သင့်တာကို မလုပ်ဘူး။
များသောအားဖြင့် ဒုစရိုက်ကို လုပ်ကြတဲ့သူတွေဟာ စိတ်မချမ်းသာတဲ့သူတွေပဲ။
စားဝတ်နေရေး အဆင်ပြေရင် ဆက်ဆံရေးအဆင်ပြေရင် ကောင်းကောင်းမွန်မွန် နေတယ်။
ဒါကြောင့် စားဝတ်နေရေး အဆင်ပြေအောင် စီစဉ်နိုင်ရင် စိတ်ချမ်းသာမယ်။
ကောင်းကောင်းနေမယ်။ အကျိုးပြုမယ်။
+++++++++++++++++++++++++++
စိတ်ချမ်းသာမှုဟာ ဘဝနေနည်းပါ (ဆရာတော်ဦးဇောတိက) စာအုပ်မှ ကောက်နှုတ်ဖော်ပြပါတယ်။
ကြည့် ရှုမှု: 6 ကြိမ်ရှိပါပြီ
No comments:
Post a Comment