ဟိုးတစ်ခါတုန်းကပေါ့ သဲကန္တာရ တစ်ခုမှာ လူတစ်ယောက်ဟာ ခရီးသွားနေခဲ့တယ် ။
၂ ရက်တိုင်တိုင်သွားနေတဲ့ ခရီးမှာ လမ်းတစ်နေရာရောက်တော့သူဟာ မုန်တိုင်းတစ်ခုနဲ့ ပက်ပင်းတိုးမိပါတော့တယ် ။
မုန်တိုင်းရပ်သွားတဲ့အခါမှာတော့ သူသွားနေတဲ့လမ်းကြောင်းကို မမှတ်မိတော့ပဲ ဦးတည်ရာပျောက်သွားခဲ့တယ် ။
ဒီလိုနဲ့ခြေဦးတည့်ရာလျှောက်သွားရင် တစ်နေရာမှာတော့လူတွေစွန့်ပစ်ထားတဲ့အိမ်လေးတစ်လုံးကို သူတွေ့သွားပါတယ် ။
ခရီးပန်းတဲ့ဒါဏ်တွေရယ် မုန်တိုင်းဒါဏ်တွေကြောင့်သူဟာ အရမ်းကို ဆာလောင်မွတ်သိပ်နေခဲ့ပါပြီ ။
ဒီလိုနဲ့ သူ့ကိုယ်သူ အနိုင်နိုင်တည့်မတ်ရင်းအိမ်ကလေးထဲကိုသူဝင်သွားခဲ့တယ် ။
အိမ်ကလေးက မိုးလုံလေလုံဆောက်ထားတာဖြစ်ြပြီး သစ်ဆွေးတွေစုပုံထားတာတွေ့ရတယ် ။သူရှေ့ဆက်လျှောက်လာခဲ့တယ် ။
ဒီလိုနဲ့မျက်စိရှေ့မှာရေစုပ်စက်တစ်လုံးကိုသူတွေ့လိုက်ရတယ် ။ ၀မ်းသာအားရနဲ့ရေအလွန်ငတ်နေတာကြောင့် ရေစုပ်ကြည့်လိုက်တယ် ။
ဒါပေမယ့် လုံးဝရေမထွက်လာပါဘူး ။ စိတ်ပျက်လက်ပျက်နဲ့ ရေစုပ်စက်ဘေးလေးမှာ သူ ထိုင်ချလိုက်တယ် ။
ရေစုပ်စက်ဘေးမှာ ရေပုလင်းလေးတစ်လုံးကို သူတွေ့သွားပြန်တယ် ။
အဲဒီပုလင်းအပေါ်မှာ အ၀ါရောင်သမ်းနေတဲ့စာရွက်လေးတစ်ရွက်ကပ်ထားတာကိုသူထူးထူးဆန်းဆန်းတွေ့လိုက်ရတယ် ။
အဲဒီစာရွက်ပေါ်မှာရေးထားတာက
“ ပုလင်းထဲကရေကို စက်ထဲအရင်သွန်ထည့်လိုက်ပါ ထိုအခါမှ ရေကိုစုပ်ယူနိုင်မည်
ဤနေရာမှသင်မထွက်သွားခင် ပုလင်းထဲကိုရေဖြည့်ဖို့မမေ့ပါနဲ့ ”
ပုလင်းအဖုံးကို သူဖွင့်ကြည့်လိုက်တယ် ။
ပုလင်းအဖုံးကို ဖွင့်နေစဉ်မှာပဲ သူ့စိတ်တွေတွေဝေလှုပ်ရှားပြီးထွေပြားနေခဲ့ရတယ် ။
သူဘာဆက်လုပ်ရမလဲ ။
၁ ။ တစ်ကိုယ်ကောင်းဆန်ပြီးပုလင်းထဲကရေကို မသွန်ပဲ သောက်လိုက်ရင်တော့ သူရေငတ်ပြေပြီး ဒီနေရာကနေ အသက်ရှင်လျှက်ထွက်သွားနိုင်မယ်၂ ။ စာရွက်ထဲကအတိုင်းလုပ်လိုက်ရင် အကယ်၍များတွင်းထဲကရေမထွက်ခဲ့လျှင်တော့ သူ ဒီနေရာမှာပဲ သေဆုံးသွားနိုင်တယ် ။
အကြိမ်ကြိမ်အခါခါစဉ်းစားပြီါ် နောက်ဆုံးပုလင်းထဲကရေကို ဟောင်းနွမ်းနေတဲ့စက်ထဲကို သူရဲ့တုန်ရီနေတဲ့လက်တွေနဲ့ သွန်ထည့်လိုက်တယ်။
ပြီးတော့ရေကိုစုပ်ကြည့်လိုက်တယ် ။ ရေလုံးကြီးကြီးအားကောင်းကောင်းနဲ့ရေတွေစက်ထဲကနေထိုးထွက်လာပါတယ် ။
ဝမ်းသာအားရနဲ့သူ ရေကို တ၀သောက်ပြီး ပုလင်းကိုရေပြန်ဖြည့်လိုက်တယ် ။
ပြီးတော့ ပုလင်းပေါ်က စာရွက်ကလေးမှာ သူနောက်တစ်ကြောင်းကို ထပ်ဖြည့်လိုက်တယ် ။
“ အထက်ပါစာကြောင်းသည် မှန်ကန်ပါသည် ။ အသုံးဝင်ပါသည် ။ ယုံကြည်ပါ ”
-------------------------------------------------------------------------
လောကကြီးမှာ တစ်ခုခုကိုလိုချင်ရင်တော့တစ်ခုခုကိုပေးဆပ်ရမှာပါပဲ ။
တခါတလေ တကိုယ်ကောင်းဆန်ခြင်းကကိုယ့်အတွက်ကောင်းပေမယ့် တခြားသူအတွက်အကျိုးမရှိတဲ့အခါ မှားယွင်းတဲ့ဆုံးဖြတ်ချက်တွေကို
ဖြစ်ပေါ်စေတတ်တယ် ။ လူတော်တော်များများက ကိုယ်အသက်ရှင်ဖို့အတွက် ပုလင်းထဲကရေကိုသောက်ပြီးခရီးထွက်ဖို့စဉ်းစားမိပါလိမ့်မယ် ။
သင်လည်းစဉ်းစားမိကောင်းစဉ်းစားမိပါလိမ့်မယ် ။
ဘာမဟုတ်တဲ့စာလေးတစ်ကောင်းက ယုံကြည်ရပါ့မလားဆိုတာကိုပေါ့ ။
ကိုယ်ယုံကြည်ရတယ်လို့ထင်တဲ့အရာတွေကို ရဲရဲသာယုံကြည်လိုက်စမ်းပါ ။
တစ်ကိုယ်ကောင်းမဆန်ပါနဲ့ ။
ကိုယ့်လိုပဲ သူများတွေမှာလည်း လိုအပ်ချက်တွေရှိနေတာပါပဲ ။
ဆုံးဖြတ်ချက်တစ်ခုကို ချတဲ့အခါ ကိုယ်ကျိုးအတွက်မစဉ်းစားပဲအများအတွက်စဉ်းစားဆုံးဖြတ်မှုတွေဟာ မှန်ကန်လေ့ရှိပါတယ် ။
သက်တန့်ချို
A stranger in the desert အားဘာသာပြန်သည်။
No comments:
Post a Comment