သားလေးအတွက်မေမေ့လက်ဆောင်
သားရေ ..ဒီနေ့ဟာ သားရဲ့ ၁၃ နှစ်မြောက်မွေးနေ့ဖြစ်တယ် ..။မေမေ သားအတွက် သားအလိုချင်ခဲ့ဆုံးလက်ဆောင်လေး ဒီကနေ့တော့ပေးတော့မယ် ..။ဒီအတိုင်းတော့မပေးချင်ဘူးသားလေးရယ် ..။ မေမေနဲ့ စကားပြောရင်း မေမေံလက်ဆောင်လေး သားကို ပြမယ် ..။ ဟော ..ဟန်တောင်မဆောင်နိုင်အောင် သားလေးဝမ်းသာနေတယ်ပေါ့..။
အင်းပေါ့လေ ..သားက ကလေးလေးပဲရှ်ိသေးတာကိုး ..သားမှာဖြူစင်မှုလေးတွေ ရှိတယ် ..။ သားပျော်နေမယ်ဆိုတာမေမေ သိနေတယ်သားလေး..။ဒီလိုပဲလူတွေဟာ ကိုယ်လိုချင်တာရတော့မယ်ဆိုရင်အသက်အရွယ်မရွေး ကလေးလေးတစ်ယောက်လို ပျော်ရွှင်လာတတ်ကြတယ်သားရေ ..။
သားလေးအကြိမ်ကြိမ်ပူဆာခဲ့ဖူးတယ်နော် .."မေမေ ..သား စက်ဘီးစီးချင်တယ်.. ဝယ်ပေးပါနော် " တဲ့..။ မေမေ မဝယ်ပေးဖြစ်ခဲ့ဘူး သားလေး ရယ်..။ ခုတော့ မေ မေ ဝယ်ပေးသင့်ပြီလို့ ဆုံးဖြတ်လိုက်တယ် ..။ ကြည့်.. ငါ့ သားလေး ဟာလေ .. ပျော်လာရင်ပဲဖြစ်ဖြစ် သဘောကျရင်ပဲဖြစ်ဖြစ် မျက်လုံးလေးတွေက ပြုံး ပြီး ပါးစပ်ကြီး ကို မစေ့နိုင်တော့ဘူး ..။ ကဲ..လာ ..သွားကြည့်ကြရအောင် ..။ အပြာရောင် အသစ်စက်စက် စက်ဘီးလေးတစ်စီး ကတော့ အိမ်ရှေ့ က ခြံဝင်းထဲမှာ ဒေါက်ထောက်ရက်လေး ငြိမ်သက်ဝင့်ထည်စွာနဲ့ ပိုင်ရှင် လေး ကို စောင့်ကြိုနေလေရဲ့..။
စက်ဘီးလေးကိုမြင်လိုက်ရတယ်ဆိုရင်ဘဲ ..ဟန်တောင်မဆောင်နိုင်အောင် စက်ဘီးလေးရှိရာကိုပြေးသွားတဲ့ သားလေးကျောပြင်ကိုကျွန်မကြည့်ရင်း ရင်ထဲမှာသားလေးနဲ့ ထပ်တူပျော်နေမိတယ်..။ စိုးရိမ်စိတ်တွေကတော့ တားမရဆီးမရနဲ့ ငါများမှားပီလားဆိုတဲ့အတ္တဆန်ဆန်အတွေး ကို အတင်းဖယ်ပစ်နေရတာ.. ပင်ပန်းလိုက်တာ..။
စက်ဘီးကိုဒီအရွယ်ထိရောက်တာတောင် မစီးတတ်သေးတဲ့ သားကိုသူငယ်ချင်းတွေဝိုင်းစတော့ငိုပြီး အမေ ကို လာပြန်တိုင် ရင်း အပြစ်တင်စကားပြောလာတတ်နေတဲ့သားလေး..။မေမေစိုးရိမ်လို့ပါသားရယ်..။မေမေမွေးတုန်းက မှဲ့လေးတစ်ပေါက်တောင်မပါတဲ့သားလေး ဒဏ်ရာအနာတရဖြစ်မှာစိုးရိမ်ခဲ့မိလို့ပါ...။ခုတော့မေမေ အဲဒီလိုတွေး ပြီးစိုးရိမ်နေဖို့မသင့်တော့ဘူးဆိုတာ မေမေ သိပါတယ်..။ သားရေ..မေမေသားကိုစက်ဘီးစီးသင်ပေးမယ်နော် ..။
သား.. စက်ဘီးလေး ကိုကြည့်စမ်းပါ..။ သူကဘီးကနှစ်ဘီးထဲဆိုတော့ သူ့ ဘာသာ မရပ်နိုင် ဘူးနော် ..ဒေါက်ကလေးထောက်မှရပ်ထားနိုင်တယ်..ဒါမှမဟုတ်ဒေါက်ကျိူးသွားရင် တိုင်တစ်တိူင် နံရံတစ်ခုခုမှာသွားမှီထားရတယ် .. ။ သားလေး သေချာနားထောင်ပေးနော် ..။ မေမေတို့ လူတွေဟာလည်း တစ်ယောက်ထဲ ရပ်တည်ဖို့မဖြစ်နိုင်ဘူးသား..အမှီကောင်းကောင်းရှိရတယ်..မိဘ၊မောင်နှမ၊ဆွေမျိူးအသိုင်းအဝန်း.၊သူငယ်ချင်းကောင်းတွေရှိမှ လူတစ်ယောက်ရဲ့ ဘဝဟာကောင်းမွန်င်္စွာရပ်တည်လို့ ရတတ်တာမို့ ..သူတို့တွေကိုဘယ်တော့မှမပစ်ပယ်လိုက်ပါနဲ့ သားရယ်နော်..။
နောက်..စက်ဘီးလက်ကိုင်လေးကိုကြည့်ပါအုံးသားရယ် .. ဒီစက်ဘီးလက်ကိုင်လေးက ဘယ်ညာကွေ့တဲ့နေရာအသုံးဝင်သလိုလမ်းတစ်လမ်းကို ဖြောင့်တန်းစွာသွားတဲ့နေရာမှာလည်းအသုံးဝင်တာပေါ့သား..။ ဒါဟာလေဘာနဲ့တူသလဲဆိုတော့သားသင်ယူခဲ့တဲ့ အတန်းပညာတွေ နဲ့မေမေတို့ဘာသာတရားအဆုံးအမ တွေ ထဲက အသိပညာနဲ့တူတယ်..။ ဘီးလေးနှစ်ဘီးထဲမို့လူတစ်ယောက်ဝိတ်ကိုထိန်းရင်းရမ်းခါနေတဲ့စက်ဘီး ကို ဒီလက်ကိုင်ကလေး နဲ့ မယိမ်းမယ်ိုင်သွားရအောင်ထိန်း သလိုပေါ့သားရယ်..သားရဲ့ဘဝလမ်းတစ်လျှောက်ကို သားသိမှတ်ခဲ့တဲ့ အသိပညာတွေနဲ့ သားဘဝကိုလိုသလို ထိန်းကျောင်းရင်းလမ်းမှန် ရောက်အောင်နင်းပါနော်သား..။
သားလေးစက်ဘီးပေါ်တက်တော့..ခုတော့မေမေထိန်းကိုင်ပေးမယ်..သားဖြည်းဖြည်းနင်းကြည့်နော် ..။ဒီလိုဘဲသားရယ် ..မေမေက သားအနားမှာ အမြဲ နေပြီး ခုလိုထိန်းကျောင်းပေးဖို့နောက်ဆို မလိုတော့ဘူး.. သားဒီစက်ဘီးလေးကိုနင်းတတ်တဲ့အချိန် မေမေက သားဘာသာ နင်းပြီးထွက်သွားတာကိုကြည့်ပြီးကျန်နေခဲ့ရတော့မှာ ..။လမ်းမှာ ကျင်းတွေချိုင့်တွေ ကိုတွေ့လိမ့်မယ်သား .. သေချာ ရှောင်နင်းပါနော်သားလေး..။ဒီလိုဘဲဘဝမှာ လဲ မကောင်းတဲ့နေရာတွေ ကိုရှောင်ကွင်း ပြီး သာသွားပါ သားလေးရယ်နော် ..။
သားရေ ..နောက်ဆို သား က ကျွမ်းကျင်လာရင် စက်ဘီး ကို အမြန်နင်းလာလိမ့်မယ် ..ကိုယ့်ကိုကိုယ်ယုံကြည်မှုအပြည့်နဲ့ပေါ့ ..။ ဒါပေမယ့်သားလေး.. ဘယ်အရာမဆိုပြိုင်ပွဲ သာမဟုတ်ရင် ဖြည်းဖြည်းနဲ့မှန်မှန်သာ လုပ်ပါသားရယ် ..ဒါဟာအမှားအနည်းဆုံးနဲ့အထိရောက်ဆုံး အန္တရယ်အကင်းဆုံး ပါပဲ ..။
အရင်ကဆို သားလေးက မေမေ့နောက်မှာမေ့ ခါးကိုဖက်ပြီး ငြိမ်လိုက်တတ်တဲံ့ သားလေး က ..နောက်ဆို ..သားနောက်မှာသားခါးလေးကိုဖက်ပြီးစီးမယ့် ကောင်မလေးတစ်ယောက်ပါလာ တော့မှာ.. ဟော..သားက ဒါကျတော့လဲရှက်သွားလိုက်တာ..။ ဟုတ်တယ်လေ..သားရဲ့ ..မေမေ့တုန်းကလဲ သားလေးနောက်မှာပါလာတော့ သားလေးဘေးရန်မသီအောင်မေမေဂရုစိုက်နင်းခဲ့ရတာ ..မေမေသွားရာသားလိုက်ခဲ့သလို..သားလေးသွားရာ လိုက်မယ့်သူလေးအပေါ် သားက ဘေးမသီရန်မခ ကာကွယ်ပေးဖို့ တာဝန်ရှိလာမှာနော် ..။
သားလေး ဘယ်ကိုကွေ့မယ်ဆိုရင်ဘဲဖြစ်ဖြစ်ညာကိုကွေ့မယ်ဆိုရင်ပဲဖြစ်ဖြစ် နောက်ကိုအရင်လှည့်ကြည့်ဖြစ်အောင်လှည့်ကြည့်ပြီးမှကွေ့ သလို ..လက်ကိုင်ပေါ်ကဘဲလ်လေး ကိူတီး ပြီး ရှေ့ ကိုလည်းသတိပေးရမယ် နော် ..။ ဘဝမှာလည်း အချိုးအကွေ့ရောက်တိုင်း နောက်ကိုလှည့်ကြည့်ပါအုံးသားရယ် သားနောက်မှာ သားကို ကြည့်ပြီးလိုက်လာမယ့်လူတွေ ရှိသေးတယ်လေ..ရှေ့ ကိုလည်း သတိမပြတ်စေနဲ့ပေါ့ .. ဘာအန္တရယ်ကြုံရမလဲဆိုတာ ကြ်ိုမသိနိုင်ဘူးလေ..။ ဟုတ်ပြီ သားလေး .. တော်တော်စီးတတ်လာပြီ ..မေမေ လက်လွှတ်လိုက်ပြီနော် ...။
ကျွန်မ မျက်စေ့ရှေ့မှာ ရမ်းတမ်းရမ်းတမ်းနဲ့ထွက်သွားတဲ့ စက်ဘီးလေးနဲ့ သား ကို စိုးရိမ်ကြီးစွာစောင့်ကြည့်နေမိနေချိန်မှာဘဲ .." ဝုန်း" ဆိုတဲ့ အသံနဲ့ သားလေးပေါ်မှာစက်ဘီး ကအုပ်ရက်သားလေးလဲနေတဲ့သားကိုငိုမဲ့မဲ့လေးတွေ့ ရ ပါတော့တယ် .. ရင်ထဲမှာ ဒုန်းကနဲမြည်ဟီး သွားပေမယ့် ..ကျွန်မ ခြေ တစ်လှမ်းမှမရွေ့ လိုက်ပါဘူး .. အတော်စိတ်ကိုတင်းထားလိုက်ရပါတယ် .." သားလေး .. ပြန် ထ ပြီး ဆက်စီး ပါ သား.. ဒီလိုဘဲ ဘဝ မှာတစ်ချို့သင်ခန်းစာတွေ က သွေးမထွက်ဘဲ မနာကျင်ဘဲ သင်လို့ မရဘူး သားလေ..ထ ..နာကျင်တာကိုမေ့ပြီး ရအောင်ဆက်စီး ပါ သား ရေ " လို့ တုန်ယင်နေတဲ့ အသံ ကိုထိန်းရင်း အားပေးလိုက်တယ်..။
သိပ်မကြာပါဘူး သားလေး စက်ဘီးကိူ ကောင်းကောင်းထိန်းပြီးစီးရင်း ကျွန်မနဲ့ဝေးသထက်ဝေး ရာ ကို ပျော်ရွှင်စွာ စီးနင်းသွားပါတော့တယ် ..။
တစ်နေ့တော့ ကျွန် မ ကြုံ ရမယ့် အရာ ကို ကျွန်မ ကောင်းကောင်းနားလည်ပါတယ် ..။ခုတော့ ..ကျွန်မ သားလေးပြန်အလာ ကို စောင့်နေခွင့် ရှိပါသေးတယ်နော် ...။
လေးစားကျေးဇူးတင်လျက်
မနတ်သမီး
78 ယောက်ကြည့်သွားပါသည်။
ခေါင်းစဉ်ခွဲ : ရသ
No comments:
Post a Comment